रामारोशन-३ सान्तडाको सैनीबजारको बस्ती बाढीले बगाउँदा १५ जना भन्दा बढी बेपत्ता भएका छन्। 

मध्यराती कैलाश खोलाले सैनी बजारका घर बगाउँदा १५/१६ जना बेपत्ता भएको प्रमुख जिल्ला अधिकारी गोकर्णप्रसाद उपाध्याले जानकारी दिए। 

'नदीले बगाएका चार शव प्राप्त भएसंगै ठूलो जनधनको क्षति भएको छ' उनले भने, 'घटनास्थलमा सदरमुकामसहित विभिन्न प्रहरी चौकीबाट सुरक्षा टोली गइरहेकोले पूर्ण क्षतिको विवरण आउन सकेको छैन्।'

सञ्चार र सडक अवरोधका कारण मानवीय भौतिक र अन्य क्षतिको विवरण संकलन र उद्दारमा समस्या भइरहेको प्रजिअ उपाध्यायको भनाइ छ।