गृहमन्त्री रामबहादुर थापाको स्कटिङमा हिँड्ने गाडीले स्कुटरलाई ठक्कर दिँदा दुई महिला घाइते भएका छन्। 

मंगलबार बिहान सिंहदरबार नजिकै बा १ झ ५५५४ नम्बरको गाडीले बा ९४ प १०२५ स्कुटरलाई ठक्कर दिएको प्रहरी महाशाखाका एसपी बामदेव गौतमले जानकारी दिएर

‘सिंहदरबार पश्चिम गेट नजिकै स्कटिङको लागि निस्किएको गाडीले ठक्कर दिएको हो। थप अनुसन्धान भइरहेको छ,’ उनले भने।

घाइते भएका २३ वर्षीय लिला थापा र २७ वर्षीय सुधा थापालाई उपचारको लागि ट्रमा अस्पताल पुर्याएको उनले बताए। 

स्कटिङ्को गाडी गृहमन्त्री थापालाई लिन सिंहदरबारबाट निस्किएको थियो। गाडी र चालकलाई नियन्त्रणमा लिएको महाशाखाका एसपी गौतमले जानकारी दिए।

नियन्त्रणमा लिएका चालकलाई महानगरीय प्रहरी वृत सिंहदरबारमा राखिएको छ।