अमेरिकी राष्ट्रपति डोनाल्ड ट्रम्पका भाइको निधन भएको छ। ७२ वर्षीय ट्रम्पको मृत्यु बारे ह्वाइट हाउसले आइतवार बिहान जानकारी दिइएको हो। बीबीसीका अनुसार उनको मृत्युको कारण भने खुलाइएको छैन।

'उ मेरो भाइ मात्र होइन, मेरो सबैभन्दा मिल्ने साथी थियो', ट्रम्पले विज्ञप्तिमार्फत् भनेका छन्।

ट्रम्प भाइलाई भेट्न शनिवार न्यूयोर्कस्थित एक अस्पतालमा पुगेका थिए। त्यहाँबाट निस्किए पछि ट्रम्पले पत्रकारहरूसँग भनेका थिए : 'उ निकै अप्ठ्यारो परिस्थितिसँग जुँध्दैछ।'

रोबर्ट ट्रम्प डोनाल्ड ट्रम्पको घर जग्गा लगानीहरूको व्यवस्थापन गर्थे।