साउन १२ गते धनुषाको शहीदनगर नगरपालिकाको डुमरिया गाउँका १ जना ३८ वर्षीय संक्रमित युवकको मृत्यु भयो । प्रादेशिक अस्पताल जनकपुरको आईसीयू वार्डमा रहेका २ वटा भेन्टिलेटर पहिलेदेखि नै अन्य बिरामीले ओगटेको कारण थप उपचारका लागि धरान पठाउने क्रममा बाटोमा नै उनको मृत्यु भयो ।
प्रादेशिक अस्पतालको आईसीयूमा ५ वटा भेन्टिलेटर रहे पनि २ वटा भेन्टिलेटर मात्र सञ्चालनमा छन् । कोभिड अस्पतालको आइसोलेसन वार्डमा भने एउटा पनि भेन्टिलेटर छैन । धनुषाका ती युवक मात्र होइन, २ नम्बर प्रदेशमा २६ जना कोरोना संक्रमितको उपचार अभावमा मृत्यु भएको छ ।
.jpg)
