विन्देश दहाल/ईश्वर अर्याल

अघिल्लो साता भारतका विदेशमन्त्री एस जयशंकरले एक छलफल कार्यक्रममा असंलग्नताको नीति पुरानो भइसकेको तर भारत कुनै पनि साझेदारीको अंग नबन्ने बताए । सीएनबीसी टीभी–१८ ले चलाएको उक्त छलफल कार्यक्रमको शीर्षक थियो - 'अवसरको भूराजनीति, विश्व सन्तुलनमा परिवर्तन आइरहँदा भारतले कसरी फाइदा उठाउने ?'

कार्यक्रममा जयशंकरले दिएको अभिव्यक्तिका विभिन्न व्याख्या तथा विश्लेषण भइरहेका छन् । उनको अभिव्यक्तिले विश्व कूटनीतिमा एक किसिमको तरंग ल्याएको अनुभव गरिएको छ । जयशंकरले बोलेका कुरा नेपालको कूटनीतिक वृत्तमा खासै चर्चाको विषय भएन तर अन्तर्राष्ट्रिय फोरममा उनको अभिव्यक्तिलाई लिएर विभिन्न खालका टिप्पणी भइरहेका छन् ।