नेपाल धितोपत्र बोर्डले असार १५ गते सोमबार बाट शेयर कारोबार खुलाउन नेपाल स्टक एक्सचेञ्जलाई ६ बुँदे निर्देशन दिएको छ ।
बोर्डले दोस्रो बजार कारोवारमा स्थायित्व ल्याउने गरी कारोबार समय, सर्किट ब्रेक र मूल्य सीमा सम्बन्धी उपयुक्त व्यवस्था गरी नेप्सेलाई बजार सुुचारु गर्ने व्यवस्था मिलाउन निर्देशन दिएको हो।
(क) दोस्रो बजार कारोवारमा स्थायित्व ल्याउने गरी कारोबार समय, सर्किट ब्रेक र मूल्य सीमा सम्बन्धी उपयुक्त व्यवस्था गरी नेप्सेले बजार सुुचारु गर्ने व्यवस्था मिलाउने।
(ख) लगानीकर्ताहरूले सेयर खाताको सेयर ट्रान्सफर र रकम ट्रान्सफर गर्दा विद्युतीय माध्यमको प्रयोग गर्न प्रोत्साहित गरिएको छ।
(ग) बजारमा संलग्न हुने लगानीकर्ता, ब्रोकर, नेप्से, सिडिएससि, मर्चेन्ट बैंकरले यस अघि जारी भएको कोभिड-१९ सुरक्षाका उपायहरू पालना गरी कारोबार गर्नु पर्नेछ।
(घ) धितोपत्र बजार सम्बद्ध संस्थाहरूले उपयुक्त स्वास्थ्य सुरक्षा विधिहरू नअपनाई कार्यालय खोलेको पाइएमा त्यस्ता संस्था उपर कारवाही हुनेछ।
(ङ) अर्को व्यवस्था नहुन्जेल स्टक ब्रोकरहरूले लगानीकर्ताहरूका लागि Screen Room सञ्चालन गर्न पाउने छैनन्।
(च) लगानीकर्ताहरुले हालसम्म गरिएका व्यवस्था बमोजिम घरैबाट कारोवार गर्न सक्ने व्यवस्था गरिएको हुंदा ब्रोकरहरुसंग सम्पर्क गरि सकेसम्म घरैमा बसी कारोवार गर्न प्रोत्साहित गरिएको छ ।
बोर्डबाट चालिएका उल्लेखित कदमहरूको कार्यान्वयनबाट कोभिड-१९ को महामारीका कारण धितोपत्र बजारमा परेका असर न्यूनीकरण भइ आगामी दिनमा धितोपत्रको दोस्रो बजार कारोबार सहज रूपमा संचालन हुने बोर्डको अपेक्षा छ।
प्रकाशित मिति:
: 2020-06-28 18:08:28
