काठमाडौं । स्वास्थ्य सामाग्री खरिद र यससँग जोडिएको अनियमितता प्रकरण औपचारिक रुपमा संसदीय बहसको विषय बनेको छ । सोमबार संसदको सार्वजनिक लेखा समितिले यो र यससँग सम्बन्धित ओम्नी ग्रुपको विषयमा स्वास्थ्य तथा जनसंख्या मन्त्रालय र विभागलाई बोलाएर छलफल थालेको हो । 

यसअघि गत वैशाख १४ मा लेखा समितिले मन्त्रालयलाई पत्र लेखेर खरिदसम्बन्धी कागजात तथा विवरण उपलब्ध गराइदिन अनुरोध गरेको थियो । 

कोरोना भाइरसको नियन्त्रण तथा रोकथामका लागि आवश्यक पर्ने स्वास्थ्य उपकरण खरिदका लागि सरकारले ओम्नी समूहसँग १ अर्ब २४ करोड रुपैयाँको ठेक्का सम्झौता गरेको थियो । तर, स्वास्थ्य साम्रगीको मूल्य र गुणस्तरमा प्रश्न उठ्नुका साथै निर्धारित समयमा ल्याउन नसकेपपछि सरकारले ठेक्का रद्ध गरेको थियो ।