आज आइतवार ‘भ्यालेन्टाइन डे’ अर्थात प्रणय दिवस विश्वभरी विशेष गरेर युवा युवतीले मनाइरहेका छन्। केही वर्षयता नेपालमा पनि प्रेम दिवस विशेष रुपमा मनाउन थालिएको छ। 

यो दिन प्रेमी प्रेमिकाले एक अर्कालाई विभिन्न उपहार दिएर माया दर्शाउने तथा आफूलाई मन परेका व्यक्तिसमक्ष प्रेम प्रस्ताव पनि राख्ने चलन छ। तत्कालीन रोमन सम्राट क्लाउडियस द्धितियले आफ्ना सैनिकलाई प्रेम तथा विवाह गर्न रोक लाएका थिए।

प्रेम तथा विवाहले सैनिक कमजोर हुन्छन्  तथा युद्धसँग सम्बन्धित गोप्य सूचना बाहिर सार्वजनिक हुन्छ भन्ने धारणाले सम्राट क्लाउडियसले प्रेम तथा विवाहमा रोक लगाएका थिए।

‘भ्यालेन्टाइन डे’ लाई लक्षित गरि काठमाडौंका गिफ्ट सपलाई ब्यापारीले झकिझकाउ पारेका छन्। कोरोनाका कारण गत वर्ष डामाडोल भएको ब्यापारमा अहिले केही सुधार भएको देखिन्छ। बजारमा गुलाफको ब्यापार पनि बढेको छ। गुलाफलाई प्रेमको प्रतिक मानिन्छ।