कञ्चनपुरमा लोकप्रिय छ रामायणमा आधारित ‘रामलीला’ महोत्सव। महोत्सवमा नाटक देखाइन्छ। कोही मर्यादा पुरुष रामको रुपमा देखिन्छन् कोही रावणको। रामायणका अर्का महत्वपूर्ण पात्र ‘हनुमान’का रुपमा भने केही वर्ष यता खुब रुचाइएका छन् कृष्णदत्त जोशी।
केही वर्ष अघिसम्म 'बक्सर'को नामले चिनिन्थे उनी। अब उपनाम थपिएको छ। कसैका लागि 'हनुमान’ दाइ। कसैका लागि हनुमान भाइ। धेरैले त ‘बक्सर हनुमान’ नै भनेर सम्बोधन गर्छन् उनलाई।
रामायणमका अनुसार, त्रेता युगमा शक्ति वाणबाट बेहोस भएका लक्ष्मणलाई बचाउन हनुमानले पर्वत नै उठाएका थिए, सञ्जीवनी बुटीका लागि। जुन बुटी लक्ष्मणको जीवन रक्षाको औषधी थियो। त्यही घटनाका कारण आज पनि हनुमानको चर्चा छ।
उस्तै, चर्चा कलियुगमा मञ्चन भइरहेको रामलीलाका 'हनुमान' कृष्णदत्तको पनि।
