डा. प्रेमराज वैद्य, (कन्सल्ट्यान्ट कार्डियोभास्कुलर सर्जन) ।
हृदयघात (Heart Attack ) भनेको मुटुको कुनै पनि धमनीहरुमा शतप्रतिशत अवरोध भई मुटुको मांसपेशीले काम गर्न नसक्नु र अन्त्यमा सो भागको मृत्यु हुनु हो । यो हृदयघात यदि मुटुको देब्रे मुख्य धमनीमा अवरोध भएमा प्राण घातक पनि हुन सक्छ । स– साना धमनीहरुको अवरोध भएर भएको हृदयघात चाहिँ कहिलेकाहीँ मानिसलाई थाहा नहुन पनि सक्छ । तर ठूलो धमनीमा अवरोध भएमा छातीको बीचमा वा देबे्रतिर बेस्सरी थिचेको जस्तो दुख्छ, चिटचिट पसिना आउँछ, वाकवाक लाग्ने र बेहोस पनि हुन सक्छ ।
तसर्थ वयष्कहरुले बेला–बेलामा आफ्नो मुटुको परीक्षण गर्नु आवश्यक छ । मुटुमा समस्या देखिएमा नियमित जाँच गर्नुपर्छ ।किनकि हालसम्म हृदयघातको मुख्य कारण थाहा छैन, यसका कारक तत्वहरु मात्र थाहा छन् ।
