जिल्ला अस्पतालमा एक हप्तादेखि अवरुद्ध रहेको एक्स–रे सेवा पुनःसञ्चालनमा आएको छ। मेसिन बिग्रेर अवरुद्ध भएको एक्स–रे सेवा आजदेखि सञ्चालन भएको हो।
जिल्ला अस्पतालका प्रमुख डा वसन्तराज जोशीका अनुसार बिग्रिएको मेसिन मर्मतपश्चात् सञ्चालनमा आएको हो।
'हातखुट्टा भाँचिएमा र छातीको एक्स–रे गर्नका यसअघि जिल्ला बाहिर जानुपर्ने बाध्यता रहेको थियो' उनले भने, 'एक्स–रे सेवा सञ्चालन भएसँगै उक्त सेवा लिनका लागि बाहिरी जिल्ला जानुपर्ने बाध्यताको अन्त्य भएको छ।'
लकडाउनका बेला बाहिरी जिल्ला जानसमेत समस्या हुने गरेको भए पनि सेवा सञ्चालन हुँदा उक्त सेवा लिने बिरामीलाई सजिलो भएको उनको भनाइ छ।
जिल्ला अस्पतालमा आकस्मिक कक्ष २४सैँ घण्टा, कोरोना क्लिनिक १०ः०० देखि ३ः०० बजेसम्म र ओपिडी सेवा पनि उपलब्ध रहेको जनाइएको छ।
.jpg)
