परराष्ट्र–कूटनीतिक मामिलामा जानकारहरूले लिम्पियाधुरा, लिपुलेक क्षेत्र नेपालकै हो भन्ने दाबी पुग्ने कागजात, प्रमाण समेटेर श्वेतपत्र निकालेर भारतलाई थप जवाफ दिन सुझाव दिएका छन् । लिपुखोला पश्चितर्फका कुटी, नाभी, गुञ्जीले तिरो बुझाएको रसिद, जनगणनाका कागजात र नेपालको प्रशासनिक उपस्थिति रहँदाको विवरण समेटिएको श्वेतपत्र निकालेर नेपालको दाबीलाई परिपक्व बनाउन विज्ञले सुझाव दिएका हुन् ।
नक्सा प्रकाशित गरेपछि भारतलाई वार्तामा बस्न दबाब परे पनि अटेर गर्न सक्ने भन्दै उनीहरूले मुद्दालाई अन्तर्राष्ट्रियकरण गर्न समेत सुझाव दिएका छन् ।
