युनाइटेड इन्स्योरेन्स कम्पनी (नेपाल) लिमिटेडमार्फत् आर्थिक पत्रकारहरूको कोरोना बिमा गरिएको छ । नेपाल आर्थिक पत्रकार समाज (सेजन) ले सदस्यहरूको कोरोना बिमा गरेको हो ।
युनाइटेड इन्स्योरेन्सले सेजन सदस्यहरूको ५० हजार रुपैयाँ बराबरको बिमांक रकमको कोरोना बिमा गराएको जनाएको छ । बिमापछि सेजनमा आबद्ध विभिन्न सञ्चारमाध्यममा कार्यरत आर्थिक पत्रकारहरूलाई कोरोनाले पर्ने आर्थिक व्ययभारमा जोखिम कम हुनेछ ।
युनाईटेड इन्स्योरेन्सले यस बन्दाबन्दीको अवधिमा डिजिटल प्रविधिको माध्यमबाट बिमा सेवा प्रवाह गरिरहेको जानकारी गराएको छ ।
कम्पनीका अनुसार हाल आफ्नो २९ वटै शाखा कार्यालयमार्फत मोटर बिमा, बिमा अग्नि बिमा, इन्जिनियरिङ बिमा, कृषि तथा पशुपन्छी बिमालगायत बिमालेख जारी गर्दै आएको छ ।
