एक समय मधेश राजनीतिमा मात्र होइन, राष्ट्रिय राजनीतिमा आफ्नो पहिचान स्थापित गरेका जयप्रकाश आनन्द गुप्ता (जेपी गुप्ता) अहिले राजनीतिमा गुमनाम छन् । भ्रष्टाचार मुद्दामा मुछिएपछि मुलधारको राजनीतिबाट अलग भएर तराई मधेश राष्ट्रिय अभियान सञ्चालन गरेर मधेशमा आफ्ना गतिविधिलाई तीब्रता दिएका उनी पछिल्लो समय राजनीतिभन्दा पर बस्न थालेका छन् । अर्थात् उनले कृषि कर्ममा आफ्नो सम्पूर्ण ध्यान दिएका छन् । सामाजिक सञ्जालमा सक्रिय उनी अहिले मोरङको कटहरी गाउँपालिका वडा नम्बर–७ को थाल्हास्थित आफ्नो कृषि फर्ममा एकान्तबासमा छन् । लकडाउनका कारण एकान्तबासमा रहेका जेपी गुप्ता देशका हरेक राजनीतिक घटनाक्रम तथा विषयवस्तुबारे भने चासोको साथ हेर्छन् । प्रस्तुत छ, अहिलेको राजनीतिक घटनाक्रम, मधेशवादी दलको एकीकरणलगायतका विषयमा तराई मधेश राष्ट्रिय अभियानका संयोजक जेपी गुप्तासँग रातोपाटीले गरेको कुराकानीः
