चैत ११ गतेबाट सुरु भएको लकडाउन अब वैशाख २५ गतेसम्म लम्बिसकेको छ । अन्य कुरा यथावत रहेमा वा नयाँ संक्रमणको अवस्था नदेखिएमा वैशाख २५ गतेपछि देशका केही भूभागहरुमा लकडाउन खुकुलो हुन पनि सक्नेछ । यद्यपि नयाँ बिरामी भेटिएको अवस्थामा लकडाउन त्यति सजिलै खुल्ने सम्भावना पनि देखिँदैन ।
देशको पूर्वी भूभागमा कोरोना संक्रमणको अवस्था बढ्दै गउको कारण ती स्थानहरुमा वैशाख २५ गतेपछि पनि लकडाउन खुल्ने सम्भावना ज्यादै क्षीण छ । तर ४५ दिन लामो लकडाउनले कोरोना संक्रमणलाई रोक्न सक्ने भएपनि त्यसपछि झन् झन् ठूला समस्याहरु पनि ल्याउन सक्नेतर्फ विज्ञहरुको चेतावानी छ ।
