सभापोखरी गाउँपालिका–१ को सुनखानी सामुदायिक वनको ओडारमा प्रहरीले बेवारिसे हतियार फेला पारेको छ । 

ओडारबाट दुई थान टुवेलवोर हतियार फेला परेको हो। धुपु प्रहरी चौकीले कालो प्लास्टिक बेरिएको अवस्थामा दुई थान हतियार बेवारिसे अवस्थामा फेला पारेको प्रहरी प्रमुख डिएसपी मिमबहादुर लामाले बताए।

स्थानीयले ओडारमा शंकास्पद वस्तु देखिएको खबर गरेपछि प्रहरी टोली खटिएको थियो । 

ती हतियार खिया लागेर काम नलाग्ने अवस्थामा छ । हतियार कसले छाडेको भन्ने खुल्न नसकेको डिएसपी लामाले बताए ।

हतियार शुक्रबार खाँदबारी ल्याइएको प्रहरीले जनाएको छ । .हतियार सम्बन्धमा थप अनुसन्धान भइरहेको छ ।