जुनिचाँदे गाउँपालिका–२ का वडाध्यक्षलाई गए राति एक समूहले कुटपिट गरेको छ। कुटपिटबाट रामबहादुर नेपाली घाइते भएको सशस्त्र प्रहरी बल जाजरकोटका प्रमुख योग्य बस्नेतले जानकारी दिए।

 कुटपिटमा संलग्न स्थानीय बिर्खनाथ योगी र जयनाथ योगीसहित सात जनालाई प्रहरीले पक्राउ गरेको छ। 

कुटपिट गर्नेको खोजीका लागि प्रहरी कार्यालय पञ्चालाबाट टोली खटिएको थियो। खानेपानीको व्यवस्था नगरेको भन्दै कुटपिट भएको उनको भनाइ छ। 'घाइते अध्यक्ष नेपालीलाई उपचारका लागि सुर्खेत लगिएको छ' उनले भने।