मान्छे अमर छैन
नमरी सुख छैन
आज होस् या भोलि
मृत्यु तयार छ निल्न
स्वागत छ मृत्यु तिमीलाई
सँगै आयौ है जन्मिँदा
अवसरको ताकमा छौ
अवसर पाउना साथ
गर्नेछौ है प्रहार
स्वागत छ मृत्यु तिमीलाई
आज यति कमाएँ
भोलि यति कमाउँछु
भन्ने ती चाह सारा
सपना भईरहन्छन्
स्वागत छ मृत्यु तिमीलाई
मै हुँ भन्ने धनिक
मै हुँ भन्ने शाषक
सबको हो यौटै बाटो
गायक या नायक
स्वागत छ मृत्यु तिमीलाई
ढल्नु छ है अवश्य
जल्नु छ है अवश्य
तिम्रो अगाडि सब यी
गल्नु छ है अवश्य
स्वागत छ मृत्यु तिमीलाई
थाक्यो जीवन मेरो
संघर्ष गर्दा गर्दै
भेटिन केही सार
आजीवन लड्दा लड्दै
स्वागत छ मृत्यु तिमीलाई।
