अभिषेक घिमिरे
सरकारले फेरि सात दिनको लागि लकडाउन थप्ने घोषणा गरेको छ । विगत दुई सातादेखि सिँगो मुलुक बन्द छ । सबै जनता घरभित्र छन् । कलकारखाना र उद्योगधन्दा, यातायात, कार्यालय बन्द छन् ।
स्कुल, कलेज र विश्वविद्यालय सबै बन्द छन् । विश्वका धेरै देशमा स्कुल बन्द हुँदा बालबालिकाको नियमित पठन पाठन र सिकाइलाई निरन्तरता दिन सकियोस् भनेर सञ्चारमाध्यम र डिजिटल एपका माध्यमबाट सरकार तथा सम्बन्धित विद्यालयबाट नै कक्षा सञ्चालन हुँदै आएका छन् । नेपालमा पनि केही विद्यालयले यस किसिमको अभ्यास सुरु गरेका छन् ।
