इन्द्र गुरुङ
दिउँसो साढे एक जति बजेको हुँदो हो।हामी चढेको बोलेरो जीप खनियाँखर्क पुगेर रोकियो। चैत मासको टन्टलापुर घाम लागेको भए पनि निरन्तर चलेको सिरेटोले महाभारत श्रृङ्खलाको यो बजार निक्कै चिसो। विपी राजमार्गसंचालन भएयता 'हाइवे स्टप ओभर प्वाइन्ट' का रुपमा चल्तीको छ यो ठाउँ। मध्य पहाडी गाँउहरुमा उत्पादित जुनार, सुन्तला, साग-सब्जी, अन्नबालीको बिक्री थलोका रुपमा पनि सिन्धुलिको यो ठाउँ।
चिया नास्ता गर्ने र सामन लोड गर्ने भन्दै ड्राइभर भाइ ओर्लिएपछि हामी पनि सँगै ओर्लियौं। घरमै खाना खाइवरी हिँडेकाले नास्ता भन्दा नि तातो चिया पिउने सुरमा म र सँगै यात्रा गरिरहनु भएका मावली कान्छा हजुरबा रोड नजिकैको एउ्टा सानो होटलतिर लाग्यौं।
