प्रा.डा. बालमुकुन्द रेग्मी

देश कोभिड— १९ बाट बच्न सम्पूर्ण शत्ति परिचालन गर्दैछ। कुन बस्ती सुरक्षित/असुरक्षित भन्न सकिने अवस्था छैन। रोग लागिसकेका व्यत्तिलाई अरूबाट छुट्ट्याएर अस्पतालमा उपचार गर्नुपर्ने हुन्छ, जसतर्फ सरोकारवालाको ध्यान केन्द्रित भइसकेको देखिन्छ।

कोभिड—१९ का बिरामीबाट उत्पन्न फोहोर कसरी व्यवस्थापन गर्ने र ढल निकास कसरी गर्ने सबालमा प्रस्ट नीति अपनाउन आवश्यक छ। बिरामीले प्रयोग गरेका वा तिनका सम्पर्कमा आएका व्यत्तिले उपचार र अन्य सेवाका क्रममा प्रयोग गरेका, उनीहरूले उत्सर्जन गरेका फोहोर र ती फोहोरसित मिसिएका अन्य फोहोरका साथै फोहोर संकलन, वर्गीकरण, ढुवानी, प्रशोधन, व्यवस्थापनमा प्रत्यक्ष संलग्न व्यत्तिमार्फत रोग फैलिन सक्ने भएकाले यसतर्फ ध्यान जान आवश्यक छ। द न्यु इङल्यान्ड जर्नल अफ मेडिसिनको एक रिपोर्टअनुसार संक्रमितको संसर्गमा आएपछि तामाको सतहमा चार घण्टा, कागजको बोर्डमा २४ घण्टा, प्लास्टिक र स्टिलको हकमा ७२ घण्टासम्म भाइरस जिउँदै रहेको भेटियो। यसर्थ संसर्गमा आएका विभिन्न वस्तु नियमित सफा गर्नुपर्छ।