सन्तोष पोखरेल/विनोद ढुंगाना
कोरोना भाइरस (कोभिड–१९) को संक्रमण त्रासले यतिबेला मूलुक पुरै ‘लकडाउन’ मा छ। ‘लकडाउन’ थपिँदा एकसातादेखि घरभित्रै थुनिएका नागरिक अझै एकसातासम्म घरबाहिर निस्कन पाउने छैनन्। सहरमा बस्ने नागरिक त झनै कडाईका सात घरभित्रै थुनिएका छन्।
हुन त ‘लकडाउन’को नियम गाँउलेलाई पनि हो। तर, गाउँमा भने दैनिकी पहिले झैं नियमित छ। घरभित्रै थुनिएर बस्दा आफुहरुलाई नपुग्ने भन्दै गाउँलेहरु नियमित काममा घरखेतमा जुटेका छन्। कोरोनाको त्रास भएपनि खेतबारी जोत्नेदेखि गाइगोठाला जाने काम पहिले झैं चलिरहेको छ। कोरोना भाईरसको त्रासका बीच सहरीया दैनिकी भन्दा फरक रुपमा उनीहरुले घरगोठको काम नियमित गरिरहेका छन्। बरु, सहर र विदेशबाट घर फिरेका आफ्नै भाईछोराबाट गाउँमा कोरोना भाईरस भित्रिने पो को ही भन्ने चिन्तामा गाउँले छन्।
