लण्डन क्लब चेल्सीले फिलिप कौटिन्होलाई अनुबन्धनको ईच्छा देखाएको छ।
स्पेनिस क्लब बार्सिलोनाबाट लोनमा बुन्डेशलिगा क्लब जर्मन क्लब बार्यन म्युनिख गएका कौटिन्होलाई अनुबन्धन गर्न चेल्सीले चाहना राखेको हो।
खेलाडी सरुवा बजारमा दुई पटक प्रतिबन्ध भोगेको चेल्सीले आउँदो सरुवा बजारमा ब्राजिली स्टार कौटिन्हो अनुबन्ध गर्न चाहेको हो।
बार्सिलोनाले कौटिन्होका लागि ८४ मिलियन पाउण्ड रकम चाहेको छ। उनी अहिले लोनमा बार्यन म्युनिखबाट खेलिरहेका छन्।
चेल्सी समेत कौटिन्होलाई लोनमा क्लबमा अनुबन्धन गर्न चाहन्छ। तर किन्ने सहितको शर्त समेत चेल्सीका लागि मन्जुर छ।
प्रिमियर लिग लिभरपुलका पुर्व स्टार कौटिन्हो कीर्तिमानी मुल्यमा स्पेनिस महारथी क्लब बार्सिलोना गएका थिए। तर स्पेनिस लिगमा कौटिन्हो प्रभाव देखाउन असफल रहे।
अन्तिममा बार्सिलोनाले फ्रान्सेली स्टार एन्टोनी ग्रिजम्यानलाई क्लबमा अनुबन्धन गर्दै कौटिन्होलाई बार्यनमा लोनमा पठाएको थियो।
