म्यान्चेस्टर युनाइटेड एफए कप फुटबलको क्वार्टर फाइनलमा प्रवेश गरेको छ।
बिहीबार राति भएको खेलमा डर्बी काउण्टी क्लबलाई ३–० गोल अन्तरले हराउँदै युनाइटेडले अन्तिम ८ मा स्थान पक्का गरेको हो। युनाइटेडको जितमा ओडिओन इगालोले दुई तथा ल्युक शले एक गोल गरे।
युनाइटेडले क्वार्टर फाइनलमा नर्विच सिटीसँग खेल्नेछ। पेनाल्टीमा टोटनह्यामलाई हराउँदै नर्विच २८ वर्षपछि एफए कपको क्वार्टर फाइनलमा प्रवेश गरेको हो।
त्यस्तै अन्य क्वार्टर फाइनल खेलमा आर्सनल र शेफिल्ड युनाइटेड, चेल्सी र लेस्टर सिटी तथा म्यान्चेस्टर सिटी र न्युक्यालस प्रतिस्पर्धा गर्दैछन्।
