झापाको बिर्तामोडका निर्जीवन बीमा कम्पनीका प्रतिनिधिले सन्तोष उप्रेतीको अध्यक्षतामा पेशागत बिमा संघ बिर्तामोड (इन्स्युरेन्स प्रोफेसन सोसाइटी–आइपिएस) गठन गरेका छन्।
प्रिमियर इन्स्युरेन्स कम्पनी नेपाल लिमिटेडका प्रदेश प्रमुखसमेत रहेका उप्रेतीको नेतृत्वमा १ उपाध्यक्ष, एक सचिव, एक सहसचिव, एक कोषाध्यक्ष र ८ सदस्यसहित १३ सदस्यीय समिति गठन गरेका छन्।
संघको उपाध्यक्षमा द्रोणराज भट्टराई (राजेश), सचिवमा चन्द्रप्रकाश बाँस्कोटा, सहसचिव चन्द्र श्रेष्ठ (सुमन) र कोषाध्यक्षमा गणेश मगर छन्।
त्यस्तै, सदस्यहरुमा दिपक पोखरेल, प्रशान्त राजवंशी, नरेश पोखरेल, सुशील थापा, दिपेन्द्र चम्लागाईं, सुमन पोद्दार र विपिन थापा छन्।
बीमा कम्पनीमा कार्यरत कर्मचारहरुको हकहित र समाज सेवाजता कार्य गर्ने उद्देश्यसाथ संघ गठन गरिएको अध्यक्ष उप्रेतीले बताए।
यसैबीच संघले सामाजिक उत्तरदायीत्व अन्तर्गत कोरोना भाइरसको प्रकोपलाई मध्यनजर गर्दै विर्तामोड नगरभित्र १ हजार मास्क वितरण तथा विर्तामोड भित्रका वृद्धाश्रममा फलफूल वितरण तथा खाना खुवाउने कार्यक्रम गर्ने भएको छ।
