चेल्सी एफ ए कपको क्वार्टरफाइनलमा प्रवेश गरेको छ।
मंगलबार राति भएको पाँचौ चरणको खेलमा लिभरपुललाई २–० गोल अन्तरले हराउँदै चेल्सी क्वार्टरफाइनलमा प्रवेश गरेको हो।
लिभरपुलका गोलकिपर एड्रियनको गल्तीको फाईदा उठाउँदै विलियनले १३ औँ मिनेटमा चेल्सीलाई सुरुवाती अग्रता दिलाएका थिए।
पहिलो हाफ १–० ले अगाडी रहेको चेल्सीले दोस्रो हाफमा थप एक गोल गर्यो।
६४ औँ मिनेटमा एभर्टनका पूर्व खेलाडी रोस बार्कलीले गोलकिपरलाई बिट गर्दै लण्डन क्लबलाई जित दिलाए।
लण्डन क्लबसँग पराजित हुँदै लिभरपुल एफ ए कपबाट बाहिरिएको छ।
लिभरपुलले लण्डन क्लबको घरेलु मैदान स्टामफोर्ड ब्रिजमा सिजनको दोस्रो हार ब्यहोर्यो।
