तनहुँको बन्दीपुर गाउँपालिका–१ रिमाल्नीमा सवारी दुर्घटना हुँदा १९ यात्रु घाइते भएका छन्।

घाइते हुनेमा चितवन जिल्ला भरतपुर महानगरपालिका–२७ का ४२ वर्षीय बस चालक किरण काफ्लेसहित १९ यात्रु घाइते भएका हुन्।

शनिबार दमौलीबाट डुम्रेतर्फ जाँदै गरेको ना ७ ख ६२६८ नं को ट्रक र विपरीत दिशाबाट आउँदै गरेको ना ७ ख ४४२४ नं को बस एकआपसमा ठोकिँदा उक्त दुर्घटना भएको हो।

डुम्रेस्थित लक्ष्मी अस्पतालमा घाइते यात्रुहरुको उपचार भइरहेको जिल्ला प्रहरी कार्यालय तनहुँका प्रहरी नायब उपरीक्षक लीलाराज लामिछानेले जानकारी दिए। ट्रक र ट्रक चालकलाई भने नियन्त्रणमा लिई अनुसन्धान गरिरहेको प्रहरीले जनाएको छ।