जिल्ला प्रशासन कार्यालय सप्तरीका मुद्दा शाखामा कार्यरत कार्यालय सहयोगी केशव कुमार यादवविरुद्द मुद्दा दायर गरिएकाे छ। 

उनलाई  बिचाराधीन रहेको अभद्र व्यवहार सम्बन्धी मुद्दाको छिटो पेशी चढाई टुंग्याइदिने प्रयोजनमा ४ हजार रुपैयाँ घुस लिरहेकाे अवस्थामा रंगेहात पक्राउ गरेकाे अख्तियार दुरुपयोग अनुसन्धान आयोगको कार्यालय इटहरीले जनाएको छ। 

भ्रष्टाचार निवारण ऐन, २०५९ को दफा ३ को उपदफा (१) बमोजिमको कसुर भएकोले यादवविरुद्द ४ हजार रुपैयाँ बिगो कायम गरी भ्रष्टाचार निवारण ऐन, २०५९ को दफा ३ को उपदफा (१) र दफा ३ को उपदफा (१) को खण्ड (क) बमोजिम जरिवाना र कैद सजाय हुन मागदाबी लिई शुक्रबार विशेष अदालत, काठमाडौंमा आयोगले मुद्दा दायर गरेकाे छ।