रूपन्देहीमा ३ वटा ट्रक आपसमा ठोक्किँदा ३ जनाको मृत्यु भएको छ भने ९ जना घाइते भएका छन्।

जिल्ला प्रहरी कार्यालय, रूपन्देहीले दुर्घटनाको पुष्टि गर्दै ३ जनाको घटनास्थलमै ज्यान गएको जनाएको छ। मृतक कसैको पनि सनाखत भएको छैन।

भैरहवाबाट परासीतर्फ जाँदै गरेको लु १ ख ६७४५ नम्बरको ट्रक परासीदेखि भैरहवातर्फ आउँदै गरेको ना २ ख ८४८१ र ना ५ ख ७८५६ नम्बरको ट्रकमा मंगलबार बिहान ठोक्किँदा ३ जनाको मृत्यु भएको हो।

दुर्घटनामा ९ जना घाइते भएका छन्। यीमध्ये ४ को अवस्था गम्भीर छ। उनीहरूको विभिन्न अस्पतालमा उपचार भइरहेको प्रहरीले जानकारी दिएको छ।

बाक्लो हुस्सु र कुहिरोले दुर्घटना भएको अनुमान गरिए पनि खुलेको छैन।