पर्वत सदरमुकाम कुश्माबजारमा सञ्चालित निःशुल्क मुटु रोग परीक्षण शिविरमा मानिसहरुको उपचार गरिएको छ।

पर्वत अस्पतालको ३० औं स्थापना दिवस तथा छैटौं पर्वत महोत्सवका अवसर पारेर आयोजना गरिएको निःशुल्क मुटु शिविरमा ४०२ जनाले स्वास्थ्य लाभ लिएका हुन् ।

जसमध्ये १० जनाको मुटुको ‘शल्यक्रिया’ गर्नुपर्ने र २१ जनाले नियमित जाँचमा बस्नु पर्ने अवस्था देखिएको बरिष्ठ मुटृुरोग विशेषज्ञ डा।अनिल भट्टराईले जानकारी दिए। उक्त अवसरमा निःशुल्क इको, इसिजी र निःशुल्क औषधीसमेत वितरण गरिएको थियो।

परीक्षणका क्रममा शल्यक्रिया गर्नुपर्नेका लागि विशेष छुटको व्यवस्था समेत विशेषज्ञ डा। भट्टराईले बताए। 'शल्यक्रिया गर्नुपर्ने विशेष छुटको व्यवस्था मिलाएका छौं' उनले भने।

सो शिविरलाई ‘सेभ द हार्ट’ नामक संस्थाले सहयोग पुर्याएको थियो। नि: शुल्क शिविरबाट पर्वत, बागलुङ, म्याग्दी, कास्की र स्याङ्जाका नागरिकले लाभ लिएका छन्।

आर्थिक अभावका कारण लामो समयदेखि रोग पालेर बसेकालाई सहज भएको जिल्ला अस्पताल व्यवस्थापन समितिका अध्यक्ष गोविन्द पहाडीले जानकारी दिए। 'शल्यक्रिया गर्नुपर्ने र फलोअप गर्नुपर्ने विरामीलाई पनि अस्पतालले सहजीकरण गर्ने भएको छ' उनले भने।