वीरगञ्जमा रहेको नेशनल ट्रेडिंगको गोदाममा आगलागी भएको छ।

शंकराचार्य गेट नजिकै भन्सारमा रहेको नेशनल ट्रेडिंगको  पुरानो गोदामघरमा मंगलबार साँझ आगलागी भएको हो। विजुली सर्ट हुँदा सो आगलागी भएको हो।

करिब ७ बजेर ३५ मिनेटमा सुरु भएको आगलागीलाई करिब ९ बजेतीर पूर्णरुपमा निभाइएको थियो।

आगोलाई वीरगञ्ज महानगरपालिकाका २ वटा दमकल नेपाल प्रहरी, सशस्त्र प्रहरी र स्थानियबासीले निभाएको वीरगञ्ज महानगरपालिका दमकल शाखाका प्रमुख शेर बहादुर कार्कीले जानकारी दिए।

आगलागीबाट गोदाममा भएका सामान जलेर नष्ट भएका छन्। गोदाममा काम नलाग्ने सामानहरु भण्डारण गरेर राखिएको थियो।

घटनामा कुनै मानविय क्षति भएको छैन्।