पूर्व–पश्चिम राजमार्ग अन्तर्गत मोरङको बेलबारी नगरपालिका–४ बेतनामा भएको दुर्घटनामा झापाको अर्जुनधारा नगरपालिका–५ का ५४ वर्षीय पशुपति भट्टराईको सोमबार साँझ मृत्यु भएको छ। 

राजमार्गमा पूर्वबाट पश्चिमतर्फ जाँदै गरेको मे ३ प ४०९७ नम्बरको मोटरसाइकल र विपरित दिशाबाट आउँदै गरेको को १ ज ३७६४ नम्बरको म्याजिक भेन ठोक्किँदा दुर्घटना भएको थियो। दुर्घटनामा घाइते भएका मोटरसाइकल चालक भट्टराईको उपचारका क्रममा न्युरो अस्पताल विराटनगरमा मृत्यु भएको प्रहरीले जनाएको छ। 

मोटरसाइकलको पछाडि सवार उनकी श्रीमती लक्ष्मी भट्टराई घाइते भएकी छन्। उनको न्युरोमै उपचार भइरहेको छ। म्याजिक र चालकलाई नियन्त्रणमा लिएर घटनाको अनुसन्धान थालिएको प्रहरीले जनाएको छ।