नेपाल कम्युनिष्ट पार्टी (नेकपा) प्रदेश नम्बर २ का सदस्य रामबाबु बैठालाई प्रहरीले हिरासतमा लिएको छ। ठगी मुद्दामा प्रतिवादी रहेका बैठालाई पर्सा प्रहरीले हिरासतमा लिएको हो।

प्रहरीमा जागिर लगाइदिन्छु भनेर आफूसँग पाँच लाख ठगी गरेको भन्दै रौतहटका प्रदीपकुमार साहले गत कात्तिकमा प्रहरीमा उजुरी दिएका थिए।

सोमबार बैठा आफैं प्रहरीमा हाजिर भएको प्रहरी नायब उपरीक्षक वीरेन्द्रबहादुर शाहीले बताए। उनीमाथि पाँच लाख रुपैयाँ ठगेको उजुरी पर्सा प्रहरीमा छ।

‘उहाँलाई हिरासत लिएर आवश्यक कारबाही थालिएको छ,’ प्रहरी नायब उपरीक्षक वीरेन्द्रबहादुर शाहीले भने।