इंग्लिस प्रिमियर लिगमा शीर्ष स्थानको लिभरपुलले अपराजित यात्रा कायमै राखेको छ।
घरेलु मैदान एनफिल्डमा आइतबार राति भएको खेलमा लिभरपुलले म्यानचेस्टर युनाइटेडलाई २-० गोल अन्तरले पराजित गरेको हाे।
लिभरपुललाई जित दिलाउन भिर्गिल भान डाइक र मोहमद सलाहले एक एक गोल गरे।
खेलको १४ औं मिनेटमा भान डाइकले हेडबाट गोल गर्दै लिभरपुललाई सुरुवाती अग्रता दिलाएका थिए।
त्यसपछि खेलको इन्जुरी समयमा सलाहले गोल गर्दै लिभरपुललाई २-० को जित दिलाए।
जितसँगै लिभरपुलले लिगमा १६ अंकको अग्रता समेत बनाएको छ।
लिभरपुलले २२ खेलमा ६४ अंक जोडेको छ ।दोस्रो स्थानको म्यानचेस्टर सिटीको ४८ अंक रहेको छ।
पराजित भएको युनाइटेडको ३४ अंक रहेको छ ।युनाइटेड लिगको पाँचौं स्थानमा रहेको छ।
.JPG)
