सोमबार राती दरबारमार्गबाट घर फर्कंदै गर्दा गायक निशान भट्टराईको ज्यान गयो।

तीनकुनेस्थित सडकमा रहेको पोलमा कार ठोक्किएपछि गम्भीर घाइते भएका भट्टराईलाई उपचार गर्न ट्रमा सेन्टर त पुर्‍याइयो तर बचाउन सकिएन।

तीनकुनेकै सडक त यति जोखिमपूर्ण छ भने काठमाडौंका भित्री सडकहरूको अवस्था झन् कहालीलाग्दो छ। साँघुरा सडकमा खाल्डाखुल्डी छन्।

भित्री सडक पानी परेपछि हिलाम्मे र घाम लाग्दा धुलाम्मे हुन्छ। स्थानीय बासिन्दाहरूले गुनासो गरेपछि काठमाडौं महानगरपालिकाले भित्री सडक केही फराकिलो पार्ने र कालोपत्र गर्न सुरू गरेको छ।