मोरङको केराबारी गाउँपालिका–१ पाटीगाउँमा बाख्राको खोरमा आगो लाग्दा चारवटा बोका र छ वटा बाख्रा जलेर मरेका छन्।  

आगोले जलेर मरेका १० वटा बाख्रा र बोका स्थानीय बुद्धराम लिम्बूका हुन्। लिम्बूले बनाएको काठको खोर र खरको छानो भएको थियो। बालबालिकाले खेल्ने क्रममा नजिकै बालेको आगो खोरमा सल्किएर घटना भएको प्रहरीले जनाएको छ।  

एक्कासि आगो सल्किएका कारण खोर भित्र थुनेर राखिएका बाख्रा र बोकालाई जीवितै बाहिर निकाल्न नसकिएको लिम्बूले बताए।