काठमाडौं महानगरपालिका वडा नं २५ असन इन्द्रचोकस्थित टेवहालमा भीषण आगलागी भएको छ। शुक्रबार असन इन्द्रचोकस्थित टेवहालको एउटा काठको घरमा भीषण आगलागी भएको हो।

काठमाडौं, ललितपुरको दमकल लगायत प्रहरी र स्थानीयको सहयोगमा आगो नियन्त्रणमा लिइएको छ। काठमाडौं महानगरपालिकाको ३ वटा, ललितपुर महानगरपालिकाको एउटा दमकल र एउटा पानी बोक्ने ट्याङ्करले आगो नियन्त्रणमा लिएको स्थानीएको भनाई छ।  

आगलागी कसरी सुरु भयो र कति क्षति भयो भन्ने जानकारी आइनसकेको महानगरीय प्रहरी वृत्त जनसेवाले जनाएको छ।