अपहरणको नाटक गर्ने एक जनालाई प्रहरीले नियन्त्रणमा लिएको छ। महानगरीय प्रहरी वृत्त महाराजगन्ज टोलीले बिहीबार सर्लाही बसन्तपुर नगरपालिका घर भई ललितपुर बस्ने २६ वर्षीय सङ्ग्राम अधिकारीलाई नियन्त्रणमा लिएको हो। अधिकारी एमएडव्लु इन्टरप्राइजेज गाडी चालक हुन्।

उनले बा २९०७ नम्बरको गाडी सहित आफूलाई सुकेधाराबाट कन्चटमा पेस्तोल राखेर नशालु पदार्थ समेत सुँघाई गाडी नियन्त्रणमा लिईएको उजुरी गरेका थिए । उनले गाडीमा रहेको करिब ५ लाख पर्ने यामाहा कम्पनीका विभिन्न मेशिनरि पार्टपुर्जाहरू समेत लुटिए जानकारी दिएका थिए।

प्रहरीमा अपहरणको उजुरी परेपछि प्रहरीले अनुसन्धान गर्दा अपहरणको नाटक गरेको खुल्न आएको वृत्तका डिएसपी उमेश लम्सालले जानकारी दिए।

यस बिषयमा थप अनुसान्धान भइरहेको उनले बताए ।