युरोकप छनोट २०२० मा जर्मनी र नेदरल्याण्डले महत्वपुर्ण जित निकालेका छन् ।

सोमबार बिहान समूह सी अन्तर्गत भएको खेलमा जर्मनीले इस्टोनियालाई ३–० र नेदरल्याण्डले बेलारुसलाई २–१ हराएको हो ।जर्मनीले तीनै गोल दोस्रो हाफमा गरेको थियो ।जर्मनीको जितमा इल्के गुएन्डोगोनले दुई तथा टिमो वर्नरले एक गोल गरे ।

खेलको ५१ औं मिनेटमा गुएन्डोगोनले जर्मनीलाई अग्रता दिलाएका थिए । उनैले ५७ औै मिनेटमा जर्मनीको अग्रता दोब्बर पारे ।७१ औं मिनेटमा वर्नरले गोल गर्दै जर्मनीको जित सुनिश्चित गरेका थिए ।

अर्काे खेलमा डच टिमलाई जित दिलाउन दुवै गोल लिभरपुलका मिडफिल्डर जोर्गिन्हो विचनाल्डमले गरे ।३२ औं मिनेटमा पहिलो गोल गरेका उनले ४१ औ मिनेटमा व्यक्तिगत दोस्रो गोल गरे ।

बेलारुसका ड्रागनले ५३ औ मिनेटमा एक गोल गोल फर्काए ।

समूह सीको खेलमा नेदरल्याण्ड ६ खेलबाट १५ अंक सहित शीर्ष स्थानमा रहेको छ । यता समान खेलबाट समान अंक जोडेमो जर्मनी गोल अन्तरका आधारमा दोस्रो स्थानमा रहेको छ।