काठमाडौं । नेपाल–भारत ट्रान्जिट (पारवहन) सन्धि र त्यसको प्रोटोकलको नयाँ मस्यौदा तयार भएको छ । मंगलबारदेखि दुईदिन बसेको सन्धिको विस्तृत पुनरावलोकनका लागि बसेको सहसचिवस्तरीय बैठकले नयाँ सन्धिको मस्यौदा तयार पारेको हो । सहसचिवस्तरीय बैठक प्राविधिक कमिटी हो । बैठकमा दुवै मुलुकले आन्तरिक प्रक्रिया पूरा गरी अन्तिम रुप दिएको पारवहन सन्धि र सोको प्रोटोकलमा यथाशिघ्र हस्ताक्षर गर्ने सहमति गरेका छन् । हस्ताक्षर भएपछि जारी सन्धि २०२० जनवरी ५ देखि कार्यान्वयनमा आउनेछ ।