दिल्लीको जवाहरलाल नेहरू विश्वविद्यालय (जेएनयू)का विद्यार्थी शुल्क वृद्धिको विरोधमा उत्रिएका छन्। जेएनयूको नयाँ नियमअनुसार छात्रबासमा एकजना बस्ने कोठाको मासिक शुल्क २० रुपैंयाबाट बढाएर ६ सय रुपैंया र दुई जना बस्ने कोठाको शुल्क १० रुपैंयाबाट बढाएर ३ सय रुपैंया पुर्याइएको थियो।
विद्यार्थीको प्रदर्शनपछि यसलाई क्रमशः ३ सय र १ सय ५० रुपैंया पुर्याइएको छ। सरकारले यसलाई भारी कटौती भन्दै आएको छ।
शुल्क बढाएकोमा हजारौंको संख्यामा रहेका आक्रोशित विद्यार्थीले सोमबार बिहान ८ बजेदेखि साँझ ७ बजेसम्म प्रदर्शन गरेका थिए। पहिला तिर्न नपर्ने सर्भिस चार्जमा अब विद्यार्थीहरूले कुल खर्चको आधा शुल्क बुझाउनुपर्ने हुन्छ।
