१३औं दक्षिण एसियाली खेलकुद प्रतियोगिता (साग) को नवौं दिन आज सोमबार विभिन्न १३ खेलमा प्रतिस्पर्धा हुँदैछ।
सागमा आइतबार क्रिकेट, फेन्सीङ, फुटबल, जुडो, पौडी,आर्चरी, बास्केटबल, बक्सिङ, सुटिङ,स्क्वास, टेनिस र कुस्तीमा प्रतिस्पर्धा हुनेछ ।
जसमा महिला फुटबल र आर्चरी पोखरामा हुनेछ। कुस्ती जनकपुर र अन्य खेल काठमाडौंमा हुनेछ।
पदक तालिकामा आठौं दिनसम्म भारतले १४५ स्वर्णसहित पहिलो स्थानमा छ भने ४५ स्वर्णसहित नेपालले दोस्रो स्थानमा रहेको छ।
क्रिकेट :
साग क्रिकेट अन्तर्गत पुरुषतर्फको फाइनल खेल सोमबार हुनेछ। स्वर्णका लागि श्रीलंका र बंगलादेशले प्रतिस्पर्धा गर्ने छन्।
यस्तै नेपाल र माल्दिभ्सले कास्य पदकको लागि खेल्नेछ।
महिलातर्फको स्वर्ण बंगलादेश, श्रीलंकाले रजत र नेपालले कास्य जितेको छ।
फुटबल :
साग अन्तर्गत महिला फुटबलको फाइनल खेल सोमबार हुनेछ। पोखरा रंगशालामा हुने फाइनलमा नेपाल र भारतबीच प्रतिस्पर्धा हुनेछ। महिला फुटबलमा माल्दिभ्सले कास्य जितिसकेको छ।
पुरुषको फाइनल भने मंगलबार हुनेछ। जसमा नेपाल र भुटान खेल्नेछन्।
कबड्डी :
हल्चोकस्थित सशस्त्र प्रहरी बलको कभर्डहलमा सोमबार महिला र पुरुष दुवैको फाइनल खेल हुनेछ। पुरुषतर्फ भारतले श्रीलंकासँग खेल्नेछ । महिलामा नेपाल र भारतबीच खेल हुनेछ। महिलाको फाइनल खेल १ बजे हुनेछ ।
बास्केटबल :
बास्केटबल अन्तर्गत सोमबार सेमिफाइनल खेल हुनेछ। पुरुषको सेमिफाइनलमा बंगलादेश र श्रीलंका तथा भारत र नेपालबीच प्रतिस्पर्धा हुनेछ।
महिलाको सेमिफाइनल भारत र भुटान तथा नेपाल र माल्दिभ्सबीच हुने छ।
थ्री बाई थ्रीको भने सेमिफाइनल र फाइनल हुनेछ।
पुरुष सेमिफाइनलमा भारतले बंगलादेश तथा श्रीलंकाले नेपालसँग खेल्नेछ । महिलामा भारत र श्रीलंका उपाधिका लागि भिड्ने छन्।
बक्सिङ :
बक्सिङमा सोमबार विभिन्न स्पर्धाको फाइनल हुनेछ।
सोमबार बक्सिङमा ८ स्पर्धाको फाइनल खेल हुनेछ।
कुस्ती :
कुस्तीमा सोमबार दुई स्वर्ण पदकका लागि खेल हुनेछ।
आइतबारसम्म भारतले १२, पाकिस्तानले तीन, श्रीलंकाले दुई र नेपालले एक स्वर्ण पदक जितेका छन्।
जुडो :
जुडोमा सोमबार विभिन्न तौल समूहमा प्रतिस्पर्धा हुनेछ। जसमा ७ स्वर्णका लागि प्रतिस्पर्धा हुनेछ।
खेल आर्मी शारीरिक तालिम तथा खेलकुद केन्द्र, लगनखेलमा हुनेछ।
आर्चरी :
आर्चरीमा सोमबार एकल महिला तथा पुरुषको रिकर्भ र कम्पाउण्ड गरी ४ वटा स्वर्ण पदकको लागि प्रतिस्पर्धा हुनेछ। आर्चरी पोखरामा भईरहेको छ।
स्क्वास :
सोमबार स्क्वासमा पुरुष र महिलाको टिमको स्पर्धामा प्रतिस्पर्धा हुनेछ।
टेनिस :
टेनिस अन्तर्गत सोमबार महिला र पुरुषतर्फको सिंगल्सका खेलहरु हुनेछन्।
टेनिस अन्तर्गत पुरुष सिंगल्सको उपाधिका लागि भारतका सकेथ साई मिनेनी र मनिष सुरेश कुमार तथा महिला सिंगल्सको उपाधिका लागि भारतकै श्रब्याभाबि सेट्टी र सत्विका समा प्रतिस्पर्धा गर्दैछन्।
फेन्सिङ :
फेन्सिङ अन्तर्गत सोमबार टिम स्पर्धामै तीन स्वर्णका लागि प्रतिस्पर्धा हुनेछ।
पौडी :
पौडी अन्तर्गत सोमबार विभिन्न स्पर्धामा खेल हुनेछ। सातदोबाटोस्थित पौडी पोखरीमा बिहान हिट र बेलुका फाइनल चरणका खेल हुनेछ।
सुटिङ :
सुटिङ अन्तर्गत सोमबार पनि एक खेलको प्रतिस्पर्धा हुनेछ।
