हाल देशमा पश्चिमी वायु तथा स्थानीय वायुको प्रभाव रहेको मौसम पूर्वानुमान महाशाखाले जनाएको छ। साथै बङ्गालको खाडी र अरब सागरबाट आएको जलवाष्पयुक्त हावाको समेत आंशिक प्रभाव रहेको छ।
बिएल संवाददाता - काठमाडौँ
हुरी र असिनापानीका कारण बैतडीमा एक जना घाइते भएका छन्। सोमबार बेलुका आएको हुरीसँगैको वर्षाले जिल्लाका विभिन्न क्षेत्रमा क्षति पुर्याएको प्रहरीले जनाएको छ।
बिएल संवाददाता - बैतडी
सर्लाहीको रानीगन्जमा बस र म्याजिक ठोक्किँदा एक युवतीको घटनास्थलमै मृत्यु भएको छ। दुर्घटनामा आठजना घाइते भएका छन्। लालबन्दी नगरपालिका-१७ स्थित रानीगन्जको घिमिरे चोकमा सोमबार अपराह्न पौने ५ बजेतिर दुर्घटनामा भएको प्रहरीले जानकारी दिएको छ। प्रहरीका अनुसार विराटनगरबाट मलङ्गबारेका लागि छुटेको ना६ख ७२२७ नम्बरको बस र लालबन्दीबाट बयलवासतर्फ जाँदै गरेको ना१ज २६४५ नम्बरको म्याजिक एकआपसमा जुध्दा म्याजिकमा सवार रानीगन्जकै २२ वर्षीया युवती सोना पन्तको घटनास्थलमै मृत्यु भएको हो। इलाका प्रहरी कार्यालय लालबन्दीका प्रहरी निरीक्षक (इन्स्पेक्टर) वीरेन्द्रसिंह जोहारीका अनुसार राजमार्ग विस्तार गर्न बनाइएको डाइभर्सन भएको ठाउँमा दुर्घटना भएको छ। दुर्घटनामा घाइते भएकाको स्थानीय मोडेल अस्पतालमा उपचार भईरहेको उनले जानकारी दिए।
बिएल संवाददाता - सर्लाही
कोशी प्रदेशका सांसदहरू सवार गाडी दुर्घटनामा परेको छ। सोमबार कोशी प्रदेश सभा बैठकमा सहभागी हुन जानेक्रममा चारजना सांसद सवार गाडी मोरङको कानेपोखरीमा दुर्घटनामा परेको हो। सांसदहरू सवार बा५च ३५२० नम्बरको गाडी विपरित दिशाबाट आइरहेको कारसँग ठोक्किएको इलाका प्रहरी कार्यालय पथरीले जनाएको छ। सांसदहरू झापाबाट विराटनगरतर्फ आउँदै थिए। उक्त गाडीमा सांसदहरू नम्बरलाल धिमाल, राधाकृष्ण खनाल, मैयाँ श्रेष्ठ र विद्या चाम्लिङ सवार थिए। गाडी मैयाँ श्रेष्ठको भएको बताइएको छ। गाडीमा सामान्य क्षति पुगेको छ। तर, सांसदहरू भने सकुशल रहेको प्रहरीले जनाएको छ। प्रहरीले घटनाबारे अनुसन्धान गरिरहेको छ।
बिएल संवाददाता - विराटनगर
‘नेपालको संविधानको धारा ३१ अनुसार प्रत्येक नागरिकलाई आधारभूत शिक्षामा पहुँचको हक सुनिश्चित गरिएको छ भने धारा ५१ मा शिक्षा क्षेत्रलाई वैज्ञानिक, प्राविधिक, व्यवसायिक, सीपमूलक, रोजगारमुखी र जनमुखी बनाई सक्षम, नैतिक र राष्ट्रिय हितमा समर्पित जनशक्ति उत्पादन गर्ने लक्ष्य राखिएको छ,’ विज्ञप्तिमा भनिएको छ।
बिएल संवाददाता - काठमाडाैं
उनले भने, ‘नेपालको भूवनावट एकदमै चुनौतीपूर्ण छ। त्यसकारण सिमेन्टको प्रयोगले बाटोघाटो निर्माण गर्न सहज हुन्छ र बाटो गुणस्तर बढाउनको लागि सिमेन्टको खर्च धेरै भएपनि लामो समय टिक्ने भएको हुनाले यसको प्रयोग राम्रो हुन्छ।’
बिएल संवाददाता - काठमाडाैं
‘शिक्षा, स्वास्थ्य तथा सूचना प्रविधि समितिअन्तर्गत गठित उपसमितिले पेस गरेको प्रतिवेदन थुप्रै सवालमा अहिले दर्ता भएको विधेयकभन्दा पनि अनुदार र शिक्षक–कर्मचारी विरोधी भएको देखियो,’ सामाजिक सञ्जाल फेसबुकमा उनले लेखेका छन्, ‘आवधिक बढुवाको प्रबन्ध पनि चन्द्रमामा दिएको घडेरी जस्तै हुने भयो। सरूवा झन् शिक्षक मारा भयो। अस्थायी अवधि गणनाको समस्या पनि सम्बोधन भएन। विभागीय कारबाही जस्ताको तस्तै रहयो। बालकक्षा शिक्षक र विद्यालय कर्मचारीको समस्या पनि सम्बोधन हुन सकेन।’
बिएल संवाददाता - काठमाडाैं
आजको बैठक नियमित भएको प्रधानमन्त्रीको सचिवालयले जनाएको छ। आज साँझ ६ बजे बस्ने बैठकमा गभर्नर नियुक्त हुन सक्ने जनाइएको छ।
बिएल संवाददाता - काठमाडाैं
चिकित्सकीय भनाइअनुसार प्रोटेस्ट क्यान्सर सामान्य हो। उमेर ढल्किदैं जाँदा हरेक पुरुषमा यस्तो क्यान्सरका कोसिकाहरू देखा पर्नसक्छन्। तर यसले कुन चरण पार गरेको छ भन्नेमा त्यसको आक्रामकता मापन हुन्छ। बाइडेनको शरिरमा देखा परेको यो प्रोटेस्ट क्यान्सर भने नवौं श्रेणीमा पुगिसकेको छ। जो निकै घातक मानिन्छ। उनको शरिरका हड्डीसम्मै क्यान्सरका कोसिकाहरू फैलिइसकेका छन्। त्यसले यसलाई ‘हाइ ग्रेड’को क्यान्सर भनिएको छ।
बिएल संवाददाता - काठमाडौँ
विद्यार्थी नभएपछि बेनी नगरपालिकाको दुई विद्यालय बन्द भएका छन्। बेनी–५ को माथिल्लो गाजनेको जगन्नाथ आधारभूत र वडा नं १० को ओखले आधारभूत विद्यालय बन्द भएका हुन्।
बिएल संवाददाता - म्याग्दी
जर्मनका चान्सलर फ्रिड्रिख मर्त्जका अनुसार ट्रम्पले पनि यो सामूहिक वार्तालाई स्वीकार गरेका छन्। र आफू युक्रेनमा भइरहेको आक्रमण रोक्न चाहेको बताएका छन्। यसबीचमा रुसले युक्रेनमाथि निकै ठूलो आक्रमण गरेको छ। रुसका कम्तीमा ३०० भन्दा बढी मानवरहित ड्रोनहरूले युक्रेनी भुमिमा आक्रमण गरेको सञ्चारमाध्यमहरूले जनाएका छन्। त्यसको क्षति विवरण भने आइसकेका छैनन्। ट्रम्पले रुस र युक्रेनका राष्ट्रपतिसँग सिधै वार्ता गर्ने बताएका थिए। ट्रम्पले अमेरिकी समयअनुसार सोमबार बिहान १० बजे उनले रुसका राष्ट्रपति भ्लादिमीर पुटिनसँग फोनमा कुराकानी गर्नेछन्।
बिएल संवाददाता - काठमाडौँ
बागलुङमा प्याराग्लाइडिङको सम्भावना राम्रो रहेको परीक्षण उडानले पुष्टि गरेको थियो। यहाँका उच्च पहाडको एक दर्जन बढी स्थानबाट विभिन्न समयमा प्याराग्लाइडिङको सफल परीक्षण भइसकेका छन्। बागलुङ महोत्सव र बलेवा महोत्सवमा प्याराग्लाइडिङलाई व्यावसायिकता दिने प्रयास गरिएको थियो।
बिएल संवाददाता - बागलुङ
हाल देशमा पश्चिमी वायु तथा स्थानीय वायुको प्रभाव रहेको छ। साथै बंगालको खाडी र अरब सागरबाट आएको जलवाष्पयुक्त हावाको समेत आंशिक प्रभाव रहेको छ।
बिएल संवाददाता - काठमाडौँ
जुम्लाको गुठिचौर गाउँपालिका-२ को झुलेनी भन्ने ठाउँमा चट्याङ लागेर २१ वटा भेडाबाख्रा मरेका छन् । शनिबार साँझ ५ बजे रुखमुनि बसेका बेला चट्याङ पर्दा ती भेडाबाख्रा मरेका हुन्। गुठिगाउँका किसान हिरबहादुर ऐडीका १६ र धनकृष्ण रोकायाका पाँचवटा भेडाबाख्रा चट्याङमा परेर मरेको गुठिचौर-२ का पूर्ववडाध्यक्ष तथा स्थानीय धनबहादुर बोहोराले बताए। घरमा ल्याउन रुखमुनि जम्मा गरी राखिएको अवस्थामा चट्याङ परेको थियो। हिरबहादुरका ५० वटा र धनकृष्णका ३० वटा भेडाबाख्रा छन्। उनीहरूको घरखर्च भेडाबाख्राबाटै चल्ने गरेको छ। चट्याङमा भेडाबाख्रा मरेपछि किसानहरू दुःखी भएका छन्। गुठिगाउँमा रहेका १७५ घरधुरीमध्ये एकसय भन्दा बढी परिवारले भेडाबाख्रा पाल्ने गरेका छन्।
बिएल संवाददाता - जुम्ला
कार्यसमितिमा अध्यक्ष खतिवडाका साथै बरिष्ठ उपाध्यक्षमा अमिर बगाले, उपाध्यक्षमा आभा बस्नेत, महासचिवमा अंकित राज पाण्डे, कोषाध्यक्षमा धनबिर श्रेष्ठ र सहकोषाध्यक्षमा देविश्री पन्त निर्विरोध चयन भएका छन्।
बिएल संवाददाता - काठमाडाैं
भारतका संसदीय मामिलामन्त्री किरेन रिजिजूले प्रतिनिधिमण्डका नेतृत्व गर्ने नेताहरू र उनीहरू जाने देशहरूबारे जानकारी सार्वजनिक गरेका छन्। त्यसमा भारतीय कंग्रेसका नेता शशी थरुर र मुस्लिम समुदायका नेता असदुद्दीन ओवैसी पनि सामेल छन्। कंग्रेस भारतीय संसदको प्रमुख प्रतिपक्ष दल हो भने ओवैसी भारतका कट्टर मुस्लिमका एक सर्वोच्च नेता हुन्। उनी सांसद पनि हुन्।
बिएल संवाददाता - काठमाडौँ
शनिबार अबेरदेखि कतारमा दुबै पक्षका प्रतिनिधिहरू वार्तामा बसेका छन्। यो वार्ताको मध्यस्थता अमेरिकाले गरिरहेको छ। यसअघि पनि अमेरिकी राष्ट्रपति डोनाल्ड ट्रम्पले हमास र इजरायललाई पटक पटक युद्धबिरामका लागि चेतावनी दिइसकेका छन्।
बिएल संवाददाता - काठमाडौँ
गत शुक्रबार रुस र युक्रेनका मन्त्रीहरूले इस्तानबुलमा वार्ता गरेका थिए। तर त्यहाँ कुनै पनि सहमति भेटिएन। युद्धबिरामका बारेमा कुनै सहमति नभए पनि दुबै राष्ट्रहरू कम्तीमा एक-एक हजार युद्ध बन्दीहरू रिहा गर्न सहमत भए। रुसका राष्ट्रपति पुटिनले आफैले युक्रेनसँग सिधा वार्ता गर्ने भन्दै स्थान र समय पनि तोकेका थिए। तर अन्तिम अवस्थामा उनी वार्तामा बसेनन् र जेलेन्स्की पनि गएनन्।
बिएल संवाददाता - काठमाडौँ
काभ्रेको धुलिखेल नगरपालिका-७ जिल्ला प्रशासन कार्यालय अगाडि विद्युतको पोलमा करेन्ट लागेर प्राधिकरणका एक मजदुरको ज्यान गएको छ। मृत्यु हुनेमा सर्लाहीको ईश्वरपुरन नगरपालिकाका-१२ घारिबथानका २८ वर्षीय उपेश नेपाली रहेका प्रहरीले जनाएको छ। ११ हजार भोल्टको हाइटेन्सन लाइनको पोलमा चढेर काम गरिरहेको अवस्थामा विद्युत प्राधिकरणले सूचनाविनै लाइन छाड्दा उपेशको करेन्ट लागेर ज्यान गएको जिल्ला प्रहरी कार्यालय काभ्रेका सूचना अधिकारी डीएसपी मिन घलेले बताए। विद्युत प्राधिकरणकै लापरबाहीले एक मजदुरको ज्यान गएको स्थानीयवासीले आरोप लगाएका छन्। शुक्रबार मात्रै प्राधिकरणको काभ्रे वितरण केन्द्रले एक सूचना जारी गर्दै त्यस क्षेत्रमा ११ केभी लाइन चार्ज गरिने जनाएको थियो।
बिएल संवाददाता - काभ्रे
इजरायली सेनाले गत बिहीबारदेखि भयानक आक्रमण गरिरहेको छ। शनिबारसम्मका यस्तो आक्रमणमा लगभग २ सयभन्दा धेरै मानिसको मृत्यु भइसकेको छ। इजरायलले हमासविरुद्ध भन्दै अस्पताल र विद्यालयहरूमाथि आक्रमण गरिरहेको छ। गाजापट्टीलाई नियन्त्रणमा लिएरै छोड्ने रणनीतिका साथ इजरायलले कतिपय ठाउँमा आफ्ना सैनिकहरू पनि तैनाथ गरिसकेको छ। इजरायली सैनिकले उत्तरी गाजा क्षेत्रमा केही पर्चाहरू पनि फ्याँकेको छ जसमा प्यालेस्टाइनीहरूलाई उक्त क्षेत्र छोड्न भनिएको छ।
बिएल संवाददाता - काठमाडौँ
१ .
२ .
३ .
४ .
५ .
