गोरुसिङ्गे-पत्थरकोट सडकखण्डमा मर्निङवाकमा निस्किएका उनीहरूलाई अर्घाखाँचीबाट बुटवल जाँदै गरेको कारले बिहान पौने छ बजे ठक्कर दिएको हो। गम्भीर घाइते भएका उनीहरूलाई जिल्ला अस्पताल तौलिहवा लैजाँदै गर्दा बाटोमै मृत्यु भएको प्रहरीले जनाएको छ। ठकर दिने सवारी र चालकलाई प्रहरीले नियन्त्रणमा लिइसकेको छ।
बिएल संवाददाता - काठमाडौँ
युद्धबिरामका लागि ट्रम्पको भूमिकालाई लिएर अहिले भारतीय राजनीति भने विभाजित बनेको छ। र विपक्षीहरूले मोदीको आलोचना गरिरहेका छन्। मोदीले भने पाकिस्तानको हारगुहार पछि युद्धबिराम भएको भन्दै अमेरिकी भूमिकालाई अहिलेसम्म स्वीकार गरेका छैनन्। ट्रम्प आफैले भारत र पाकिस्तान दुबैलाई अमेरिकाले ब्यापार बन्द गर्ने चेतावनी दिएपछि युद्ध बिराम भएको दाबी गरेका छन्।
बिएल संवाददाता - काठमाडौँ
‘जलवायु परिवर्तन, हिमाल र मानवताको भविष्य’ नारा दिइएको यो संवाद कार्यक्रममा संयुक्त राष्ट्रसंघका महासचिव एन्टिनियो गुटेरेसदेखि छिमेकी अनि अरु पनि कैयौं राष्ट्रका प्रधामन्त्रीहरूलाई समेत निम्तो गरिएको थियो। तर यी कोही पनि यो संवादमा आएका छैनन्। बिहीबार अबेरसम्म कुनै पनि देशका मन्त्रीहरू सहभागिताका लागि नेपाल आइसकेका छैनन्। आयोजकका अनुसार लगभग आउने सम्भावना पनि छैन। यो संवाद कार्यक्रमको उद्घाटन शत्रमा राष्ट्रसंघका महासचिव एन्टिनियो गुटेरेसको भिडिओ सन्देश भने प्रशारण हुनेछ
बिएल संवाददाता - काठमाडौँ
काठमाडौं उपत्यका अपराध अनुसन्धान कार्यालयका नायव निरीक्षक (सई) राजनबहादुर खड्का उत्कृष्ट अनुसन्धानकर्ता घोषित भएका छन्। खड्का वैशाख महिनाको उत्कृष्ट अनुसन्धानकर्ता घोषित भएका हुन्। सई खड्कालाई एसएसपी रमेश बस्नेतले उत्कृष्ट प्रहरीको रूपमा पुरस्कृत गरे। लामो समयदेखि अपराध अनुसन्धान कार्यालयमा कार्यरत खड्काले अपराध अनुसन्धान, गुण्डागर्दी नियन्त्रण, संगठित अपराध र फरार अभियुक्त पक्राउमा उत्कृष्ट भूमिका खेलेकोमा पुरस्कृत गरिएको हो।
बिएल संवाददाता - काठमाडौं
भर्खरै सुरु हुन लागेको भारत-पाकिस्तान युद्ध रोक्न पनि उनले ‘ब्यापार रोकिदिने’ भनेर धम्की दिएका थिए। त्यसपछि दुबै देश युद्धबिरामका लागि सहमत भए। यद्यपि भारतीय प्रधानमन्त्रीले ट्रम्पको भूमिकाबारे मुख खोलेका छैनन्। बरु युद्ध बिरामका लागि पाकिस्तान नै हारगुहार गरेको भारतको आरोप छ। तर ट्रम्प भने निरन्तर त्यही भनिरहेका छन्। आफैमा तनावपूर्ण रहेका खाडीका देशहरूमा अहिले ट्रम्पले त्यही युद्ध र ब्यापारको कुरा गरिरहेका छन्।
बिएल संवाददाता - काठमाडौँ
गाजाको उत्तरपश्चिम जबालिया क्षेत्रमा गरिएको हमलामा ५० जनाको मृत्यु भएको इन्डोनेसियाली अस्पतालले बताएको छ। मृतकमध्ये २२ बालबालिका र १५ महिला परेका छन्। नजिकैको अल–अव्दा अस्पतालले थप नौजनाको शव प्राप्त गरेको छ। जसमध्ये ७ बालबालिका छन्।
बिएल संवाददाता - काठमाडौँ
सन् २०२२को फेब्रुअरीमा रुसले युक्रेनमाथि आक्रमण सुरु गरेको थियो। त्यसयता न त युद्ध थामिएको छ न दुबै देश आपसमा वार्ता गरिरहेका छन्। दोस्रो कार्यकालका लागि अमेरिकाको राष्ट्रपति भएलगत्तै ट्रम्पले भने दुबै देशलाई प्रत्यक्ष अप्रत्यक्षरुपमा युद्ध समाप्त गर्न चेतावनी दिइरहेका छन्।
बिएल संवाददाता - काठमाडौँ
पोखरामा इलेक्ट्रिक माइक्रो दुर्घटना हुँदा ३ जनाको मृत्यु भएको छ। धादिङबाट पोखरा आउँदै गरेको ग १ ज ८६३० नम्बरको माइक्रो पोखरा महानगरपालिका- ३२ लामेआहालमा दुर्घटना भएको कास्कीका प्रहरी प्रमुख एसपी श्यामबाबु ओलियाले जानकारी दिए। दुर्घटनामा परी थप ८ जना घाइते भएका छन्। घाइते र मृतकको पहिचान खुलिनसकेको प्रहरीले बताएको छ।
बिएल संवाददाता - पोखरा
गत चैत २९ गते काठमाडौंको बागबजारस्थित एक गेष्ट हाउसमा एक युवतीको शव फेला परेको थियो। नुवाकोटको सुर्यगढी नगरपालिका-१ घर भइ काभ्रेस्थली बस्दै आएकी २८ वर्षीया विमला तामाङको शव गेष्ट हाउसको कोठमा सडेगलेको अवस्थामा फेला परेको थियो। पोस्टमार्टम रिपोर्टमा ती महिलाको बलात्कारपछि हत्या भएको खुलेको छ। उनको हत्या आरोपमा एक पुरुष पक्राउ परेका छन्। पक्राउ पर्नेमा धादिङको गल्छी गाउँपालिका घर भएका ४० वर्षीय रामचन्द्र पन्त रहेको जिल्ला प्रहरी परिसर काठमाडौंका एसपी अपिल राज बोहराले बताए। उनी हिजो मंगलबार पक्राउ परेका हुन्। पन्त भूपू भारतीय सैनिक रहेको खुलेको छ। उनी विवाहेत्तर सम्बन्धमा पनि रहेको खुलेको छ। उनी मृतक युवतीसँगै उक्त गेष्ट हाउसमा बसेका थिए।
बिएल संवाददाता - काठमाडौं
काठमाडौंको मखनटोलमा लागेको आगो नियन्त्रणमा आएको छ। बुधबार बिहानैदेखि महानगरको वडा नं २४ स्थित महादेव चोकमा लागेको आगो नियन्त्रणमा आएको हो।आगो निभाउन काठमाडौं र ललितपुरका ६ वटा दमकल प्रयोग गरिएको थियो। आगलागीमा परी एकजना महिलाको मृत्यु भएको छ। उनको सनाखत हुन बाँकी रहेको प्रहरीले बताएको छ।
बिएल संवाददाता - काठमाडाैं
राष्ट्रपति रहँदा र भइसकेपछिको जीवन पनि उनी निकै साधारण तरिकाले बाँचे। त्यही कारण उनलाई विश्वकै गरिब राष्ट्रपति भनिन्छ। उन पूर्व गुरिल्ला पनि हुन्।
बिएल संवाददाता - काठमाडौँ
बुधबार बिहानैदेखि महानगरको वडा नं २४ स्थित महादेव चोकमा रहेको एउटा घरमा आगो सल्किएको थियो। स्थानीय एकजनाको घरमा ग्याँस लीक भएर सल्किएको आगो अहिले अरु घरमा पनि फैलिएको छ।
बिएल संवाददाता - काठमाडौँ
उनी कतार र यूएई पनि पुग्नेछन्। दोस्रो कार्यकालमा ट्रम्पको यो सबैभन्दा महत्वपूर्ण र पहिलो कुटनीतिक भ्रमण हो। कच्चा तेलका धनी यी राष्ट्रहरूसँग ट्रम्पले कैयौं ब्यापारिक सम्झौताहरू पनि गर्नेछन्। साउदी पुगेर उनले सिरियामाथिको प्रतिबन्ध हटाउने घोषणा गरेका छन्। र साउदीसँग हतियार बेच्ने सम्झौता गरेका छन्।
बिएल संवाददाता - काठमाडौँ
बाढीका कारण अवरुद्ध भएको बिपी राजमार्गको मर्मत कार्य जारी छ। सोमबार रातिको वर्षाका कारण रोशी खोलामा आएको बाढीले सडकको माम्ती, डालाबेसी र बोक्सी डाँडामा क्षति पुर्याएको थियो। ती मध्ये अन्य ठाउँमा सडक मर्मतको काम सकिएको र माम्तीको डाइभर्सन मर्मत कार्य भइरहेको सडक डिभिजन कार्यालय भक्तपुरका प्रमुख सुमन योगेशले जानकारी दिए। असोज महिनामा आएको बाढीले बीपी राजमार्ग बगाएपछि खोलामा निर्माण गरिएको डाइभर्सन फेरि बगाएको बताउँदै उनले आधा घण्टादेखि एक घण्टाको बिचमा दुईतर्फी नै सडक सञ्चालन हुने जानकारी दिए।
बिएल संवाददाता - सिन्धुली
एयर इन्डियाले मङ्गलबारका लागि केही उडानहरू रद्द गरेको छ। भारत र पाकिस्तानबीच हालै भएको चार दिनको सैन्य झडपपछि १० मेमा युद्धविरामको सहमति भएको थियो। तर त्यसपछि पनि सीमावर्ती क्षेत्रमा तनाव कायम रहेकाले भारतका केही प्रमुख एयरलाइन्सहरूले सावधानी अपनाउँदै उडान रद्द गरेका छन्।
बिएल संवाददाता - काठमाडौँ
बाढीले रोशी गाउँपालिका–१२ स्थित राजमार्गको मंगलटारतर्फको सडक राति थप क्षति पुर्याएपछि राजमार्ग खुलाउन सकिएको थिएन। प्रहरी टोली तथा स्थानीयको पहलमा आज बिहानैदेखि एकतर्फी भए पनि राजमार्ग खुलाउने प्रयास भइरहेको छ।
बिएल संवाददाता - काठमाडौँ
सैन्यअधिकारीहरूबीच वार्ता हुँदै गर्दा भारतका प्रधानमन्त्री नरेन्द्र मोदीले राष्ट्रका नाममा सम्बोधन गर्दै थिए र अहिलेका लागि ‘अपरेशन सिन्दूर’ नभएर सैन्य कारबाहीमात्रै रोकिएको बताएका थिए। पाकिस्तानलाई उनले कैयौ चेतावनी पनि दिएका छन्।
बिएल संवाददाता - काठमाडौँ
आफ्नो सम्बोधनमा उनले पाकिस्तानसँग आतंकवादविरुद्ध अनि उसले नियन्त्रणमा लिएको भनिएको कश्मिरको बारेमा पनि वार्ता हुने पनि प्रस्ट पारे। त्यस्तै उनले पाकिस्तानले आतंकवाविरुद्ध कदम उठाउने प्रतीज्ञा नगरेसम्म उसका लागि शान्तिको कुनै पनि बिकल्प नभएको पनि चेतावनी दिए।
बिएल संवाददाता - काठमाडौँ
‘हाम्रो अमेरिकी प्रशासनले भारत तथा पाकिस्तानबीच पूर्ण तथा तत्काल युद्धबिराम गराउनका लागि सहयोग गरेको हो। मलाई लाग्छ यो स्थायी हुनेछ। जसबाट परमाणु हतियारले धनी दुई राष्ट्रबीच हुनसक्ने खतरनाक युद्ध समाप्त भएको छ’ ट्रम्पले भनेका छन्।
बिएल संवाददाता - काठमाडौँ
सोमबार दिउँसो परेको भारी वर्षाका कारण पनौती वडा नम्बर ५ वरपरको स्थान डुबानमा परेको छ। वर्षाका कारण सडकमा पानी जमेर सवारी आवतजावतमा पनि समस्या भएको छ। काठमाडौं, भक्तपुर र ललितपुरका कतिपय क्षेत्रमा चर्को घाम लागेपनि पनौती क्षेत्रमा भने पानी परेर डुबानमा परेको हो।
बिएल संवाददाता - पनौती
