अमेरिकी आमचुनावको मतगणना जारी भैरहेकै बेला रिपब्लिकन राष्ट्रपति उम्मेद्वार ट्रम्पको पल्ला भारी हुदै गएको छ । ब्याटल ग्राउण्ड मानिएको नर्थ क्यारोलाइनामा उनको जीत प्रक्षेपण गरिएसँगै उनको जीतको सम्भावना बढेको छ । बाँकि छ वटा ब्याटल ग्राउण्ड राज्यहरूमा पनि ट्रम्प नै झिनो मतान्तरले अगाडि छन् ।

ट्रम्पको नर्थ क्यारोलाइनाको जीत प्रक्षेपण र अन्य ब्याटल ग्राउण्ड राज्यको अग्रताको कारण रिपब्लिकन खेमा उत्साहित भएको छ भने डेमोक्रेटिक खेमामा भने खिन्नता र छटपटी बढेको छ । अझै सहरी क्षेत्रको लाखौं मत गन्न बाँकि रहेकाले डेमोक्रेटहरूले जीतको आशा भने मारिसकेका छैनन् ।

सिनेटमा पनि रिपब्लिकन पार्टीकै पल्ला भारी भएको छ । डेमोक्रेटिक पार्टीले जितिरहेको नर्थ भर्जिनिया र ओहायोमा रिपब्लिकन उम्मेद्वाहरूले जितेका छन् भने पेन्सेल्भेनिया र मोन्टानामा रिपब्लिकन उम्मेद्वारहरू नै अगाडि छन् ।  

संसदको तल्लो सदन हाउस अफ रिप्रजेन्टेटिबस्मा पनि रिपब्लिकन पार्टीले आफ्नो बहुमत जोगाउला जस्तो छ । 

अमेरिकी चुनावको पछिल्लो अवस्था हेर्दा २००८ मा डेमोक्रेटिक पार्टीले जितेजस्तै क्लिन स्विप गर्ने सम्भावना बढेको छ ।