फिल्म ‘तानाजी द अनसंग ओरियर’को फस्टलुक पोस्टर सार्वजनिक गरिएको छ । सार्वजनिक गरिएको पोस्टरमा अजय देवगन र सैफअली खानलाई देखिइएको छ ।
अभिनेता अजय देवगनले फिल्मको फस्टलुक आफ्नो इन्स्टाग्रामबाट पनि शेयर गरेका छन् । फस्टलुकमा अजय मराठा योद्धाको रुपमा देखिएका छन् । सामाजिक संजालमा उनको पोस्टर भाइरल भइरहेको छ ।
सार्वजनिक पोष्टरमा सैफअली खानको लुक पनि बाहिरिएको छ । सैफको भूमिका राजपुत लडाकु जयसिंह राठौरको रहेको छ । फिल्म योद्धाहरु बीच भएको लडाईँमा आधारित छ ।
ओम राउतको निर्देशन रहेको फिल्ममा अजयको अलवा काजोल र सैफअली खान पनि मुख्य भूमिकामा छन् ।अजयदेवगन फिल्मस् र टी सिरिज प्रोडक्सनको निर्माण रहेको फिल्मको रिलिज मिति १० जनवरी २०२० का लागि तय भएको छ ।
