विश्वकप छनोट २०२२ अन्तर्गत चौंथो खेलमा नेपालले अहिले जोर्डनसँग प्रतिस्पर्धा गरिरहेको छ ।

जोर्डनको घरेलु मैदानमा जारी खेलको ५६ औं मिनेटमा नेपालले गोल खाएको छ ।जोर्डनले पेनाल्टीमा गोल गर्दै अग्रता बनाएको हो । यसअघि पहिलो हाफ सकिँदासम्म नेपालले घरेलु टोलीसँग गोलरहित बराबरी खेलेको थियो ।

फिफा बरियतामा नेपाल भन्दा निकै माथि रहेको जोर्डनका अधिकांश प्रहारलाई नेपालका गोलकिपर किरण चेम्जोङले बचाए । 

प्रशिक्षक योहान कालिनले जोर्डनविरुद्धको खेलमा अष्ट्रेलियासँग खेलेका ३ खेलाडी परिवर्तन गरेका छन्।

जोर्डनविरुद्ध मुख्य फरवार्डमा विमल घर्ति मगरलाई राखिएको छ। अष्ट्रेलियाविरुद्ध अभिषेक रिजाललाई सुरुवाती-११ मा राखिएको थियो ।
यस्तै मिडफिल्डर विशाल राईको स्थानमा सन्तोष तामाङलाई प्लेईङ सेटमा राखिएको छ । डिफेन्डर रञ्‍जित धिमालको स्थानमा सुमन अर्याललाई पहिलो रोजाईमा राखिएको छ ।

नेपालको प्लेईङ -११

गोलकिपर : किरण चेम्जोङ

डिफेन्डर : अनन्त तामाङ, देबेन्द्र तामाङ, दिनेश राजवंशी , सुमन अर्याल

मिडफिल्डर : रोहित चन्द, अन्जन बिष्ट, सुजल श्रेष्ठ, सन्तोष तामाङ, रबि पासवान

फरवार्ड : विमल घर्ति मगर