नेपाली कांग्रेसका सभापति शेरबहादुर देउवाले चिनियाँ भाषामा ट्वीट गर्दै चिनियाँ राष्ट्रपति सी चिनफिङलाई नेपालमा स्वागत गरेका छन् ।
दुई दिने नेपाल भ्रमणमा आउन लागेका राष्ट्रपति सीलाई शनिबार दिउँसो ट्वीट गर्दै देउवाले भने, ‘नेपालमा स्वागत छ । राष्ट्रपति सी चिनफिङ ।’
चिनियाँ राष्ट्रपति शनिबार साँझ पाँच बजे त्रिभुवन अन्तर्राष्ट्रिय विमानस्थल आइपुग्ने कार्यतालिका रहेको छ । सी र देउवाबीच आजै शिष्टाचार भेटवार्ता हुँदैछ ।
२३ वर्षपछि चिनियाँ राष्ट्रपतिको नेपाल भ्रमणले दुई देशबीचको सम्बन्धमा नयाँ उचाइ र महत्वपूर्ण विषयमा चर्चा हुने बताइएको छ ।
