उर्जा मन्त्रालयको जिम्मेवारी सम्हाल्दा सुधारकाे काम गरेर वाहवाही पाएका गोकर्ण विष्ट वर्तमान सरकारमा श्रम रोजगार तथा सामाजिक सुरक्षामन्त्री छन्। अस्तव्यस्त बनेको वैदेशिक रोजगारलाई नीतिगत सुधार गरेर व्यवस्थित बनाउन, वर्षौसम्म भाषणमै सीमिति बनेको गन्तव्य मुलुकसँग श्रम सम्झौता गरेर नेपालीहरु नि:शुल्क रुपमा वैदेशिक रोजगारमा जाने वातावरण निर्माणमा मन्त्री विष्टले पहलकदमी लिएका छन्। उनको कार्यकालमा सुरुवात गरिएको बेरोजगार नेपालीलाई कम्तिमा १ महिना बराबरको रोजगारी दिन ल्याइएको प्रधानमन्त्री रोजगार कार्यक्रम मुलुकभित्रै रोजगारी सिर्जना गर्न र श्रम गर्न चाहनेका निम्ति एउटा नवीन सुरुवात थियो। श्रमिकवर्गलाई लक्षित गरेर ल्याइएको योगदानमा आधारित सामाजिक सुरक्षा कार्यक्रमबाट लाखौं श्रमिकको स्याबासी पाए। भलै उनले चालेका केही कामको आलोचना र विराेध भए। तर यथास्थितिमै बसिरहे, जे भइरहेको छ त्यसमै रमाइ रहे, कहाँ विवाद आउँछ? भनेझैं श्रम क्षेत्रमा परिवर्तन र सुधार ल्याउन उनी ति सबै आलोचनालाई आत्मसाथ गर्दै नयाँ अभियानमा अघि बढे। सुधार र यथास्थितिमा रम्नेको बीचबाट श्रम क्षेत्रमा नयाँ अध्यायको सुरुवात गर्न अघि बढेका मन्त्री विष्टसँग सामाजिक सुरक्षा योजना, प्रधानमन्त्री रोजगार कार्यक्रम र समग्र वैदेशिक रोजगारका विषयमा गरिएकाे कुराकानी:
