चिनियाँ कम्युनिष्ट पार्टीका विदेश विभाग प्रमुख सङ ताओ सोमबार काठमाडौं आइपुगेका छन्। सत्तारूढ नेपाल कम्युनिष्ट पार्टी (नेकपा) को निमन्त्रणामा ताओ काठमाडौं आएका हुन् ।

ताओलाई नेकपाको विदेश विभाग उपप्रमुख विष्णु रिजालले सङलाई त्रिभुवन अन्तर्राष्ट्रिय विमानस्थलमा स्वागत गरे। ताओको टोली तीन दिन नेपाल बस्नेछन्। नेपाल बसाइका क्रममा राष्ट्रपति, प्रधानमन्त्री र नेकपा अध्यक्ष पुष्पकमल दाहाललगायत नेता भेट्ने कार्यक्रम छ।

ताओको टोलीले सोमबारदेखि नेकपा र चिनियाँ कम्युनिष्ट पार्टीबीच विचारात्मक अन्तरक्रिया भाग लिनेछन् । चिनियाँ कम्युनिष्ट पार्टीको आयोजनामा हुन लागेको यो अन्तरकृया नेकपाको स्कुल विभाग र विदेश विभाग सहआयोजक छ।

दुईदिने अन्तरकृयामा चिनिया नेताहरूले पार्टीमा अनुशासनको व्यापक कार्यान्वयन, मध्यम आयको चिनियाँ समाज, बेल्ट एण्ड रोड लगायतका विषयमा कार्यपत्र प्रस्तुत गर्ने छन्। चिनियाँ कम्युनिष्ट पार्टी का २० र नेकपाका केन्द्रीय स्तरका २०० बढी नेताहरूको सहभागीता रहनेछ।